О.Гэрэл: Yoshinoya-гийн франчайзаар дамжуулан Монгол махыг олон улсын брэнд болгохыг мөрөөддөг

Тэртээ 1899 онд Токио хотын Нихонбаши гэх хөл хөдөлгөөнтэй загасны захаас эхлэлтэй гюүдон буюу агшаасан цагаан будааг тусгай соусанд чанасан нимгэн хэрчсэн үхрийн мах, сонгиноор амталж бүрхсэн хоол өдгөө Япон улсын хамгийн алдартай түргэн хоол болсон түүхтэй. Тэгвэл уг хоолны жорыг анхлан зохион бүтээж, өнөөдрийг хүртэл анхны амт, чанараа хадгалж ирсэн “Yoshinoya” сүлжээ ресторан Монгол Улсад анхны салбараа нээгээд таван сар гаруй хугацаа өнгөрчээ. Бид энэ нийтлэлээрээ тус рестораны ялгарал, ажиллах арга барилыг онцолж байна.&nbsp;



Нэр:&nbsp;Yoshinoya Хаяг:&nbsp;Хан-Уул дүүрэг, 15 дугаар хороо, The One center буюу хуучнаар Home Plaza 2, нэгдүгээр давхарт Чиглэл:&nbsp;Түргэн хоолны сүлжээ ресторан Үүсгэн байгуулагч:&nbsp;О.Гэрэл Үүсгэн байгуулагдсан он:&nbsp;2022 Холбоос:&nbsp;<a rel="noreferrer noopener" href="https://yoshinoyamongolia.com/" target="_blank">yoshinoyamongolia.com</a>&nbsp;(Вэб),&nbsp;<a rel="noreferrer noopener" href="https://www.facebook.com/YoshinoyaMongolia" target="_blank">Yoshinoya Mongolia</a>&nbsp;(Фэйсбүүк),&nbsp;<a rel="noreferrer noopener" href="https://www.instagram.com/yoshinoyamongolia/" target="_blank">@yoshinoyamongolia</a>&nbsp;(Инстаграм) Уриа үг:&nbsp;Эрүүл, Амттай, Түргэн



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/ee49ad28d10119c224ae88b77c8aea96.jpg" alt=""/></figure>



СЭДЭЛ



Би 2009-2013 онд Хятад улсын Технологийн Их сургуульд эдийн засагч мэргэжлээр суралцах хугацаандаа оюутны дотуур байранд амьдардаг байлаа. Хичээл ихтэйн хажуугаар дотуур байранд хоол хийхэд хүндрэл ихтэй учир сургуулийнхаа цайны газарт хооллох нь их. Надад байсан олон сонголтуудаас хамгийн дуртай, хамгийн ойр давтамжтай иддэг нь “Yoshinoya” рестораны хоолнууд, тэр дундаа гюүдон (gyudon) байсан юм. Учир нь хоолоо захиалснаас хэдхэн минутын дараа бэлэн болдог учир цаг хэмнэхээс гадна гэрийн хоолтой дүйцэхүйц өег, шим тэжээллэг, амттай байдаг нь нэн таатай санагддаг байлаа. Ер нь бол үргэлж иддэг байсан шүү. Тэгсэн хэр нь биеийн жин нэмэгдэх эсвээс ходоод, хоол боловсруулах эрхтэн өвчлөх асуудал огт тулгарч байгаагүй. Үүнээс үүдээд тэдний хоолыг эрүүл, биед сөрөг нөлөөгүй гэдгийг мэдэрсэн.



“Yoshinoya” бол нь 123 жилийн түүхтэй, дэлхийд амт чанараараа танигдсан, 13 улсад нийт 2200 гаруй салбартай, нэр хүндтэй сүлжээ ресторан. Тэр ч утгаараа 2013 онд сургуулиа төгсөж ирснээс хойш дотоодын аль нэг групп компани энэ брэндийг Монголд оруулж ирэх болов уу хэмээн найдан хүлээсээр нэг мэдэхэд таван жил өнгөрчихсөн. Ингээд л “Ер нь өөрөө оролдоод үзье” гэж шийдээд багаа бүрдүүлж эхэлсэн дээ.



Судалгаа хийж үзэхэд манай улсад түргэн хэрнээ эрүүл хоолны зах зээл их байгааг олж харсан. Үүнийхээ дагуу “Yoshinoya” компанитай холбогдож үзэхэд Япон улсын Токио хот дахь төв оффист нь уулзалт хийх боломж гарсан юм. Тус уулзалтыг хийж байхад яг л хэсэг оюутнууд өөрсдийн төслийн ажлаа танилцуулж буй мэт мэдрэмж төрж байлаа. Гэсэн ч бид “Yoshinoya” брэндийг Монгол Улсад нээх, түгээн дэлгэрүүлэх чин хүсэл эрмэлзэлтэй байгаагаа илэрхийлж чадсан. Учир нь түүнээс хойш сар гаруйн дараа “Yoshinoya” компанийн төлөөлөгчид манай улсад зочлон ирж, өөрсдийн биеэр Монголын зах зээлтэй танилцаж үзээд тун удалгүй бидэнтэй эргэн холбогдсоноор 2019 оны арван хоёрдугаар сард “Улаанбаатар групп” ХХК франчайзын эрхээ авч гэрээлсэн түүхтэй.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/ef737b77ddd2a2bec277473e41401e97.jpg" alt=""/></figure>



ЯЛГАРАЛ



Бидний бусдаас ялгарах хамгийн эхний давуу тал бол эрүүл, түргэн хоол. Хүн бүр “эрүүл” гэх тодотголыг ялгаатайгаар тайлбарладаг ч миний хувьд ходоодонд хоргүй, хүний биед сөрөг нөлөөгүй хоолыг эрүүл гэж хэлнэ. Дараа нь хоолны амт. Ямар ч хоол хэчнээн эрүүл байсан ч дангаараа идэх дуршлыг хөдөлгөж чадахгүй. Амт чухал. Мөн хоолнууд маань богино хугацаанд бэлэн болж шинэхнээрээ, уур нь савссаар үйлчлүүлэгчид очдог.



Дэлхий даяарх 2200 гаруй салбарууд бүгдээрээ порц хоолоо боул (bowl) гэж нэрлэдэг стандарттай. “Yoshinoya” рестораны нэрийн хоол бол “Ангус” үүлдрийн үхрийн махтай гюүдон боул юм. Харин “Yoshinoya Монгол”-ын хамт олон рестораныхаа 123 жилийн түүхэнд анх удаа хонины махтай цэс гаргаснаараа бусад улсын салбаруудаас ялгарсан.



Монголчууд хэзээнээс хонь, үхрийн махаа идэх дуртай хүмүүс учир хэрэглэгчдийнхээ онцлогт тохируулан хонины махтай цэс гаргахаар шийдсэн юм. Япон улс дахь хонины мах иддэг цорын ганц газар болох Хоккайдо мужид хонь, үхрийн махыг “Чингис Хаан” нэртэй сүмсээр амтлан ил гал дээр шарж иддэг туршлага бий. Бид “Yoshinoya”-ийн чанар, стандартыг хангасан монгол хонины махыг тус сүмсээр амтлан уг шинэ жороо бүтээсэн. Манай нэрийн хоолыг идэж үзээгүй, эсвэл сайн мэдэхгүй хэрэглэгчид маань хонины махтай боулыг илүү таашаан иддэг нь ажиглагддаг.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/69ba4c2cd36426657d2aee014831d027.jpg" alt=""/></figure>



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/7396818dc657b575aa62cb3a52f46967.jpg" alt=""/></figure>



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/014e17ff3bbcbd0917b4b3e50664c5fc.jpg" alt=""/></figure>



Хоолны амт чанараас гадна “Yoshinoya” франчайзын бүх салбар ресторануудын дотоод засал чимэглэл, зохион байгуулалтаас өгсүүлээд аяга тавгийн загвар хийц хүртэл тэр чигтээ өөрийн гэсэн утга агуулгатай. Зүгээр л хаанаас ч хамаагүй авчраад тавьсан зүйл нэг ширхэг ч байдаггүй нь хамгийн гайхалтай.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/0df6563b1a556b9694fed27c4d10488d.jpg" alt=""/></figure>



YOSHINOYA ГЭЖ ЮУ ВЭ?



“Yoshinoya” нь Япон улсын хамгийн алдартай, №1 түргэн хоолны сүлжээ ресторан юм. Дэлхийн бүх улс үндэстэн идэхэд тохирсон орцтойгоос гадна өөрийн хүсэж буй амтаа идэх бүрэн боломжтойгоос гадна олон сонголттой гэдгээрээ онцлогтой.



“Yoshinoya Holdings” компанитай хамтарч ажиллахдаа миний ойлгосон зүйл бол тэдний хүний төлөөх сэтгэл, хүнийг дээдэлдэг философи. Мөн үйл ажиллагаандаа НҮБ-ын Тогтвортой хөгжлийн 17 зорилтыг нэвтрүүлсэн, тэгш хүртээмжтэй байдлын хэрэгжилтийг бүх үе шатандаа дэмжин ажилладаг, ёс зүйн өндөр сахилга баттай, эерэг соёлтой газар тул ажлаа бахархан хийдэг.



НЭР



“Yoshinoya” гэх нэрийг хэдэн ч янзаар орчуулж, утгачилж болно. Ханз тус бүрээр авч үзвэл “Аз, Талбар, Гэр” гэх утгыг илэрхийлнэ. Харин би уг нэрийг “Аз жаргалтай гэр бүл” хэмээн орчуулах дуртай. Энэ утга нь ч хувийн үнэт зүйлтэй минь нийцдэг юм. Тиймдээ ч манай багт нэгдэж буй шинэ ажилтнууддаа “Yoshinoya хэмээх аз жаргалтай гэр бүлд тавтай морил” гэж хэлж угтдаг заншилтай.



Нэрнээс гадна лого маань ч гүн гүнзгий утга агуулгатай. Төв хэсэгт буй гюүдон хоолны үндсэн орц болох үхрийн махыг дүрслэх бухын эвэр нь давхар англи хэлний цагаан толгойн ‘Y’ үсэг буюу нэрийн эхний үсгийг илэрхийлнэ. Түүнийг тойрсон 27 ширхэг будаанаас бүтэх олсны дүрс нь сумо бөхийн аварга Ёкозунагийн бүсийг дүрсэлсэн бөгөөд хамгийн чанартай, хамгийн шилдэг орцоор хоолоо бэлтгэн хүргэдэг гэсэн утгатай.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/0001478aa19a691c7ea0be87b81f377c.jpg" alt=""/></figure>



ОДОО



Яг одоо дараагийн салбаруудаа нээхээр ажиллаж байна. Ингэхдээ байршлын судалгаа, салбарын дотоод засал, тоног төхөөрөмжийн нийлүүлэлт зэрэг үйл ажиллагааны асуудлууд дээрээ төвлөрч байгаа. Бид дотоодын зах зээлийг бүрэн хангах хүчин чадал бүхий салбаруудтай болохоор төлөвлөсөн. Эхний ээлжинд ойролцоогоор 15 салбар нээх шаардлагатай хэмээн тооцож буй. Мөн тэдгээр шинэ салбаруудын байршил, онцлогт тохирсон шинэ цэсүүд боловсруулахаар ажиллаж байна.



БАГ



Миний хувьд хоол үйлдвэрлэл, үйлчилгээний салбар цоо шинэ байсан учраас багийн гишүүдээ туршлагатай, мэдлэгтэй хүмүүсээр бүрдүүлэхийг хичээсэн. Бие биенийхээ дутагдалтай талыг бусад нь нөхөөд явдаг нь манай багийн давуу тал.



“Yoshinoya”-ийн франчайзер болох төсөл гурван хүнээс эхэлсэн бол өдгөө бид гучаад ажилтантай болсон. Салбарын тоо нэмэгдэхийн хэрээр 400-500 ажилтантай болох байх шүү (инээв).



Манай багийн баримталдаг зарчим бол бүх зүйлд сэтгэлээсээ хандах. Эцсийн хэрэглэгчид бидний чин сэтгэл шингэсэн бүтээгдэхүүн, үйлчилгээ хүрэх ёстой гэдэг дүрэмтэй.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/a5aa5207450ef307024986562515fa9f.jpg" alt=""/></figure>



ИРЭЭДҮЙ



Бидний зорилго бол “Эрүүл амьдралыг эрхэмлэгч их хотын завгүй залуусын эхний сонголт болох”.



Дэлхийн улс орнууд глобалчлагдсан энэ үед өөрсдийн боломжоо хайрцаглах биш шинэ боломжийг эрэлхийлж байх нь чухал. Улсынхаа ирээдүй нь болсон залуучууд бид аливаа асуудлын шалтгааныг бусдаас хайх биш өөрсдөө ягштал хөдөлмөрлөж, хөгжлийн гүүр, дэвшлийн гарц нь болох ёстой гэж боддог. Тиймдээ ч дотооддоо бизнесээ өргөжүүлэхээс гадна гадаадын улс орнуудад “Yoshinoya”-ын франчайзыг нээх мөрөөдлийг тээн ажиллаж байна.



ЭРСДЭЛ



2019 оны арван хоёрдугаар сард биднийг дөнгөж гэрээгээ хийгээд удаагүй байхад Хятад улсад Ковид-19 цар тахал гарсан юм. Тухайн үед би тус улсад албан томилолтоор явж таарсан ч эхний саруудад нөхцөл байдал тийм ч ноцтой байгаагүй учраас нэг их тоогоогүй. Гэтэл ажилтнуудаа ажлын журам, хоолны стандарт, байгууллагын соёлын гурван сарын бүрэн сургалтад хамруулахаар Япон, Хятад зэрэг улс руу явуулсан байх үе нь халдварын тархалт эрчимтэй нэмэгдэх үетэй давхацсан. Үр дүнд нь, сургалт дууссан ч ажилтнууд маань буцах онгоцгүй, хүнд цаг хугацааг өнгөрүүлсний эцэст нутагтаа ирсэн дээ.



Түүнээс хойш цар тахлын нөлөө хоол үйлдвэрлэл, ресторан үйлчилгээний бизнесийн салбарт хүчтэй цохилт болсноор төсөл маань эхэлж чадалгүй бараг хоёр жил зогсчихсон. Ингэснээр багийн гишүүд урам зориггүй болох, шантрах, ажлаа орхих нь олширсон нь тухайн үед их хүнд туссан даа. Тэр бүрт ажилтнуудаа хэрхэн зоригжуулах, урамшуулахаа мэдэхгүй байсан учир сэтгэлзүйн дарамтад орж байлаа. Дээрээс нь хоёр жилийн турш үйл ажиллагаа зогсонги байх нь санхүүгийн хувьд нэн алдагдалтай. Одоо бодоход тэдгээр сорилт, бэрхшээлүүд нь надад аливаа зүйлийн ард гарах, эхлүүлсэн ажлынхаа төгсгөлийг үзэх сахилга бат, тууштай байдалд суралцах боломжийг өгсөн болов уу.



Энэхүү франчайзыг Монголдоо оруулж ирэх анхны санаа төрснөөс хойш өнөөдрийг хүртэл хамтран ажилласан Япончууд, хамт олон, багийн гишүүд, ажилтнууд, хэрэглэгчид, өөрийн өмнөх туршлагуудаасаа тасралтгүй суралцсаар явна. Үүндээ тулгуурлан цаашдын үйл ажиллагаагаа улам сайжруулахаар ажиллаж байна.



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/0466760665682f007270d2f4fb899963.jpg" alt=""/><figcaption> </figcaption></figure>



<figure class="wp-block-image"><img src="https://unread.today/files/9029ae2c-0975-442a-9b95-371319a063bf/15433f2ab4e94741bfa914b189c99279.jpg" alt=""/></figure>

Yoshinoya – Зуун дамжсан амт, чанарыг танд

122 жилийн түүхтэй Япон улсын №1 түргэн хоолны сүлжээ ресторан ЁОШИНОЯА брэнд өчигдөр буюу 1-р сарын 13-нд Монгол улсад анхны салбараа амжилттай нээлээ.



<figure class="wp-block-image"><img src="https://content.ikon.mn/news/2022/1/14/8s48wm__DSC5029_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/lnusnf__DSC5055_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/1kkbvw__DSC5284_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/r0c2ll__DSC5279_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/liegzl__DSC5176_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/f2svlr__DSC5262_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/g9emyf__DSC5267_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/s1vkfj__DSC5225_h450.jpg" alt=""/></figure>



Ёошинояа брэнд нь тэртээх 1899 онд Япон улс, Токио хотын Нихонбаши хэмээх хөл хөдөлгөөнтэй загасны зах дээр үүссэн бөгөөд&nbsp;“Энгийн, Амттай, Түргэн”&nbsp;гэсэн уриан доор 122 жилийн турш Япончуудын төдийгүй дэлхийн бусад орны хүмүүсийн хамгийн идэх дуртай түргэн хоолнуудын нэг болж чаджээ. Өдгөө Ёошинояа&nbsp;олон улсын франчайз түргэн хоолны сүлжээ ресторан нь Дэлхийн 12 оронд, 2100 гаруй салбартайгаар үйл ажиллагаа явуулж байна.



Ёошинояа брэндийн хамгийн алдартай хоол нь Gyudon буюу Үхрийн махтай боул юм. Энэ нь сайн чанарын цагаан будаа, том хэрчсэн сонгино, Австрали Ангус үйлдрийн&nbsp;үхрийн махыг 122 жилийн турш өнөөг хүртэл уламжлагдан ирж, таашаагдсан тусгай жорын шөлөнд чанаж бэлтгэсэн хоол юм.



<figure class="wp-block-image"><img src="https://content.ikon.mn/news/2022/1/14/yaq9fy__DSC5256_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/wzmmcc__DSC5259_h450.jpg" alt=""/></figure>



Монгол улсaaс Ёошинояа брэндийн албан ёсны франчайз эрхийг “<a rel="noreferrer noopener" href="https://ubgroup.mn/" target="_blank">Улаанбаатар Групп</a>” ХХК амжилттай авч чадсан бөгөөд 2 жилийн турш судалгаа, шинжилгээ хийсний эцэст анхны салбар ресторанаа амжилттай нээлээ.



<figure class="wp-block-image"><img src="https://content.ikon.mn/news/2022/1/14/uj08b0_zx13_x800.jpg" alt=""/><figcaption> `Улаанбаатар Групп` ХХК-ийн дэд захирал О.Гэрэл</figcaption></figure>



Энэ тухай “Улаанбаатар Групп” ХХК-ийн дэд захирал О.Гэрэл:



“Юуны өмнө 122 жилийн турш дэлхийд таашаагдсан, Япон улсын №1 түргэн хоолны сүлжээ ресторан болох Ёошинояаг Монголчууддаа хүргэж байгаад маш их баяртай байна. Манай Ёошинояа брэнд Монголчуудад хамгийн тохиромжтой түргэн хоол гэж хэлмээр байна.



Өмнө нь Ёошинояа брэндийн франчайз эрхийг авахаар Монгол улсаас&nbsp;50 гаруй&nbsp;албан байгууллага,&nbsp;30 гаруй&nbsp;хувь хүмүүс холбогдож байсан ч манай “Улаанбаатар Групп” ХХК уг эрхийг амжилттай авч чадсандаа баяртай байна. Бид ирэх&nbsp;5 жилд 15 салбар ресторан&nbsp;нээж, Ёошинояа брэндээр дамжуулж их хотын түргэн хоолны салбарт&nbsp;ЯПОН ЧАНАР, ҮЙЛЧИЛГЭЭНИЙ СТАНДАРТЫГ&nbsp;нэвтрүүлэх болно. Мөн бид Ёошинояа брэндийн 122 жилийн түүхэнд анх удаа&nbsp;Монгол хүнд зориулж Монгол хонины махтай&nbsp;хоолыг цэсдээ &nbsp;оруулж өгч, Монгол махны амт чанар, стандартыг сайжруулж дэлхийд гаргах болно”&nbsp;гэж хэлсэн.



<figure class="wp-block-image"><img src="https://content.ikon.mn/news/2022/1/14/1eh3gg__DSC4629_h450.jpg" alt=""/><figcaption> </figcaption></figure>



<figure class="wp-block-image"><img src="https://content.ikon.mn/news/2022/1/14/k4ojoc__DSC4547_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/ff4phr__DSC4482_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/lv6awo__DSC5116_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/6ac6wq__DSC5341_h450.jpg" alt=""/></figure>



<figure class="wp-block-image"><img src="https://content.ikon.mn/news/2022/1/14/n4wsbj__DSC5345_h450.jpg" alt=""/></figure>



Нээлтийн арга хэмжээнд маш олон зочид үйлчлүүлэгчид ирснээс Япон Улсаас Монгол улсад суугаа Онц бөгөөд Бүрэн эрхт Элчин сайд Кобаяши Хироюки, Мобиком Корпорацийн ерөнхий захирал Хамада Тацуяа, Шинэ нисэх онгоцны буудлын захирал Като Такэо, УИХ-ын гишүүн Н.Учрал, гэргий Ч. Сэлэнгэ зэрэг нэр хүндтэй хүмүүс болон Япон улсын бизнес эрхлэгчид оролцож Ёошинояа-н хоолыг амтархан иджээ.



<figure class="wp-block-image"><img src="https://content.ikon.mn/news/2022/1/14/01dps7__DSC4795_x974.jpg" alt=""/><figcaption>Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяши Хироюки&nbsp;</figcaption></figure>



<figure class="wp-block-image"><img src="https://content.ikon.mn/news/2022/1/14/xfqg30__DSC4826_x974.jpg" alt=""/><figcaption>`Yoshinoya Holdings`-н Ази бүсийн хариуцсан, үйл ажиллагааны зөвлөх ЁошиАки Доте&nbsp;</figcaption></figure>



<figure class="wp-block-image"><img src="https://content.ikon.mn/news/2022/1/14/lie4t0__DSC4846_x974.jpg" alt=""/><figcaption>УИХ-ын гишүүн Н.Учрал</figcaption></figure>



Ташрамд дурдахад элчин сайд Кобаяши Хироюки болон Мобиком компанийн ерөнхий захирал Хамада Тацуяа нар арга хэмжээний үеэр хүүхэд байхаасаа хойш идэж өссөн Ёошинояа-н яг тэр амтыг Монгол улсад дахин мэдэрч чадсандаа маш их баяртай байгаагаа илэрхийлсэн юм.



Байршил:&nbsp;ХУД 15 хороо, Махатма Гандигийн гудамж, The One Center /Хуучнаар HomePlaza 2/



Цагийн хуваарь:&nbsp;10:30 – 21:45



Утас:&nbsp;<a href="tel: 75557775">+(976) 7700-3030</a>



<figure class="wp-block-image"><img src="https://content.ikon.mn/news/2022/1/14/n6h55n_zx17_x974.jpg" alt=""/></figure>